ਸੁਨਾਮ (ਰਮੇਸ਼ ਗਰਗ) : ਸ਼੍ਰੀ ਹਰਿਦਾਸ ਨਿਕੁੰਜ ਬਿਹਾਰੀ ਸੇਵਾ ਸਮਿਤੀ (ਰਜਿ.) ਸੁਨਾਮ ਵੱਲੋਂ 9 ਮਾਰਚ ਤੋਂ 15 ਮਾਰਚ 2026 ਤੱਕ ਸ਼ਾਮ 7 ਵਜੇ ਤੋਂ ਸ਼੍ਰੀਮਦ ਭਾਗਵਤ ਕਥਾ ਦਾ ਆਯੋਜਨ ਸਥਾਨਕ ਸ਼ਹਿਰ ਦੀ ਨਵੀਂ ਅਨਾਜ ਮੰਡੀ ਵਿਖੇ ਕੀਤਾ ਜਾ ਰਿਹਾ ਹੈ। ਇਸ ਧਾਰਮਿਕ ਆਯੋਜਨ ਸਬੰਧੀ ਭਵਿਆ ਕਲਸ਼ ਅਤੇ ਝੰਡਾ ਯਾਤਰਾ 8 ਮਾਰਚ 2026 ਦਿਨ ਐਤਵਾਰ ਨੂੰ ਸਵੇਰੇ 8 ਵਜੇ ਸ਼ਿਵ ਨਿਕੇਤਨ ਧਰਮਸ਼ਾਲਾ ਤੋਂ ਸ਼ੁਰੂ ਹੋਵੇਗੀ। ਸ਼੍ਰੀ ਹਰਿਦਾਸ ਨਿਕੁੰਜ ਬਿਹਾਰੀ ਸੇਵਾ ਸਮਿਤੀ (ਰਜਿ.) ਸੁਨਾਮ ਵੱਲੋਂ ਇਸ ਧਾਰਮਿਕ ਆਯੋਜਨ ਦਾ ਸੱਦਾ ਪੱਤਰ ਕਥਾ ਦੇ ਮੁੱਖ ਜਜਮਾਨ ਰਾਜਨ ਸਿੰਗਲਾ ਅਤੇ ਸੀ ਏ ਦੀਪਕ ਗੋਇਲ ਨੂੰ ਦਿੱਤਾ ਗਿਆ।
ਇਸ ਆਯੋਜਨ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਅਮਿਤ ਕੌਸ਼ਲ ਨੇ ਦੱਸਿਆ ਕਿ ਸ਼੍ਰੀਮਦ ਭਾਗਵਤ ਕਥਾ ਦੇ ਕਥਾ ਵਿਆਸ ਪੂਜਨੀਕ ਅਚਾਰਿਆ ਸ਼੍ਰੀ ਗੌਰਵ ਕ੍ਰਿਸ਼ਨ ਗੋਸਵਾਮੀ ਜੀ ਹੋਣਗੇ।ਕਥਾ ਦੌਰਾਨ ਮੁੱਖ ਸੇਵਾਦਾਰ ਵਜੋਂ ਕੈਬਨਿਟ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਦੇ ਸੂਬਾ ਪ੍ਰਧਾਨ ਅਮਨ ਅਰੋੜਾ ਅਤੇ ਵਿਸ਼ੇਸ਼ ਸੇਵਾਦਾਰ ਵਜੋਂ ਕੈਬਨਿਟ ਮੰਤਰੀ ਐਡਵੋਕੇਟ ਸ਼੍ਰੀ ਵਰਿੰਦਰ ਗੋਇਲ ਹਾਜ਼ਰੀ ਲਗਵਾਉਣਗੇ। ਉਹਨਾਂ ਦੱਸਿਆ ਕਿ ਇਸ ਕਥਾ ਦੌਰਾਨ ਸੁਨਾਮ ਇੱਕ ਵਾਰ ਫੇਰ ਵਰਿੰਦਵਾਨ ਬਣੇਗਾ।